MESURA

​

Dirección, coreografía e interpretación: Raquel Ferradás
Colabora: Media Punta Vigo
Vídeo e foto: Javier Costela Vázquez, Rocío Cibes, Aldara Cidrás, Lilian Portela, Manu Lago
Acompaña: Da Man un proxecto de AMARELO Distribución Escénica e Manu Lago

co patrocinio de Xunta de Galicia a través do Centro Coreográfico Galego
Produce: AMARELO Distribución Escénica
Duración: 19 minutos
Espectáculo para rúa ou espazos non convencionais

​

Sinopse:

A vida lévanos ao cambio continuo. Na procura do equilibrio, sen pasarnos de máis nin de menos. 
Mesura (sen coma) bailalle á espera nos diferentes momentos da vida.
O movemento reflexa a imaxe do mar, cando está en calma, tranquilo, e tamén cando as furiosas embestidas irrumpen sen previo aviso. 
Mesura transmite a continua transformación dos mares desesperados que arrastran tristes penas e as fan avanzar, unhas veces de forma automatica e outras máis consciente.
Tráenos unha corrente de aire que tal vez afoga pero nos devolve un fresco aroma a salitre.

​

Dossier

​

‘MESURA’ de RAQUEL FERRADÁS en Galicia Escena Pro 24, na Praza de San Martiño Pinario volve facerme pensar nesa relación única e incrible que teñen as bailarinas e os bailaríns de contemporáneo co chan, aínda que sexa de pedra dura. Raquel debuta con este solo no que a tensión da espera fai que o entorno monumental onde danza se transforme en mar, en barca, en ave, en ángulo que deriva a círculo da repetición dos xestos que parece deter o tempo. Velaí a suspensión da espera, non só na chamada, senón tamén nas rutinas circulares da repetición. Pero, por riba de todo, para min está a muller nova, as calidades, a beleza e a potencia do seu movemento e da súa expresión. Unha forza enorme, eu diría volcánica, que, non obstante, non se manifesta a través de staccatos nin dunha articulación segmentada nin enfática ou violenta, todo o contrario. Hai suavidade, delicadeza, fluidez, envolvencia... e, non obstante, unha enorme forza.

Afonso Becerra

​